اتسائل دائماً .. ليه الأغلب مننا يحب الروايات أو الافلام أو “القصه” لما تُحكى بشكل عام .. وكيف هالقصه ممكن تحسسنا بأحاسيس ومشاعر مختلفه .. يمكن لأنها تنقلنا من الحقيقه للخيال ..! أو يمكن لأننا نقدر نغوص فيها لفترة معينه وننسى كل الي حولنا ..!
بالنسبة لي أكثر شيء ممكن يشدني لرواية أو قصة معيّنه هو “الأشياء الصغيرة” .. لما يركز الكاتب على الاشياء الي مانشوفها بيومنا أو مانلتفت لها مثل لما يذكر ريحة معينه أو احساس معين بوصف جميل او يوصف مكان يخليك تفتح خيالك .. كثير من التفاصيل الي ممكن تشدك بقوة وتخليك ماتبغى تترك القصة ، ويمكن هذا الشيء نفسه هو الي يشدنا بالأفلام لأن طريقة العرض تهتم بأدق التفاصيل ..!
التفاصيل الصغيره لما نقرر اننا ننظر لها ممكن تغيّر بيومنا وممكن تضيف له الكثير بشكل مختلف .. الأشياء السعيدة الصغيره الي مو الكل يقدّر وجودها لكن غالباً ماتشد بعضنا وتحسسه بالسعاده .. وبعيد عن الأحلام والإنجازات الي بعقلك ، من الغريب لما تسأل نفسك إيش هي الأشياء الي تسعدك بالضبط ؟ وكم منها متوفّر بحياتك الآن ..!
أتذكر هذا المقال الي بعنوان “أشياء صغيرة للمكتئبين فقط من الحياة” :
ممكن بعضها لما قريتها حسيت بالسعادة فقط من قراءتها .. وما أتفق انها “للمكتئبين فقط” لانه كلنا نحتاج بين فترة وفترة اننا نجدد تقديرنا للأشياء الي حولنا زي مانحتاج اننا نجدد أولوياتنا .. هذي اللفتات البسيطه ممكن تساعد انها تكوّن لحياتنا معنى جميل ومختلف ، ومعنى يخلينا نقدر كل لحظة فيها او نحاول نقدّر البسيط الي نملكه ، ومن مفارقات الحياة العجيبه أنه أبسط مافي تفاصيل يومك قد يكون حلم بالنسبة لغيرك .. لذلك احنا محتاجين نستشعر وجود هذي الأشياء الي مع العادة صارت ولا شيء بالنسبة لنا ..
أتذكر كلمة قالها شخص كنت اتابعه يقول :
As long as we enjoyed making films and singing songs here and there , there is lots who suffer just to find a good water to drink .. It’s frustrating when we think for a bit that we’ve known everything about the world around us .
مايحضرني اسم الشخص لكن مانسيت وقع الكلمات الي تقول : طالما نحن نستمتع بصناعة الأفلام وغناء الأغاني هنا وهناك ، هنالك الكثيرون يعانون للحصول على ماء نظيف للشرب .. من المحبط حين نتخيل ولو لوهلة أننا كنا نعرف مايدور في العالم من حولنا ..!
…….
إعمل قائمة بهذي الأشياء البسيطة المفضلة بالنسبة لك والي تسبب لك السعادة وقرر بين فترة وفترة تمارس شيء سعيد منها .. ممكن الفكرة ماتعني لك شيء لكن لما توثّق اللحظات السعيدة بحياتك بيعطيك شعور زي لما تكتب يوم سعيد مريت فيه بكل تفاصيله ، وممكن تساعدك إنك تحصر إيش هي الأشياء الي تسعدك بالضبط ..!
الله يسعد اوقاتنا ويقدرنا اننا دائماً نحمده على مااعتدنا تملّكه .. 💞
بـلـسـمـ 
بالفعل فبالنسبة لي غالبًا ماتصنع يومي هذه الأشياء الصغيرة، وقد تؤثر وبشكل سلبي على يومي أيضًا أشياء صغيرة أخرى كورقة المنتج الملتصقة على لحاف السرير!
لكن من المضحك جدًا أنه قد يكون من الصعب على البعض تذكر هذه الأشياء الصغيرة التي تسعدهم، إذ أن الإنسان بطبعه طماع ويضل لا يملؤ قلبه إلا التراب.
أخيرًا شكرًا لكِ على هذا المقال الملهم.